Проект ПЛИП

Проектот „Креативни умови создаваат можности за работа" е амбициозен проект кој има за цел да ги поддржи невработените лица од општините Радовиш и Конче во подобрување на нивните вештини со цел подобро да ги препознаат можностите за работа. Овој проект библиотеката го спроведе во партнерство со женската невладина организација „Женска акција“ и Граѓански креативен центар „Креа„ за да поттикнат проактивен пристап на невработените лица во потрага и создавање на можности за работа преку следните активности:

Според статистичките податоци, околу 20% од населението во Радовиш и Конче се невработени. 38,8% од сите невработени се од женски пол, додека 49,7% од нив се луѓе на возраст од 20 -40 години. Овој долгорочен проблем во општината е резултат на бавен и недоволен економски развој, недостатокот на квалификувана работна сила и недостаток на претприемачки проактивен пристап на младите луѓе. На поширок план, проблемот е исто така, предизвикан од економијата на земјата во целина (невработеноста стапка во Македонија е 35%). Затоа, создавање на нови можности за работа е главен приоритет на Стратешкиот план за ЛЕР 2007-2011, од двете општини Радовиш и Конче.

Библиотеката како сервис на граѓаните, е на располагање на граѓаните со различно образование, возраст, пол и етничка припадност и е во состојба да помогне околу овој проблем на локална та заедница. Исто така, официјалниот образовен систем во земјата се уште не дава на младите луѓе знаење како да бидат иновативни и да го покажат сопствениот потенцијал на најдобар начин, кога аплицираат за работна позиција во компаниите.

Преку проектот беше набавена ИТ опрема (13 лап топ компјутери, мултифункциски принтер) и беше поставена WI-FI мрежа преку која се подобрија интернет услугите во библиотеката.

Покрај опремата од Фондацијата на Мелинда и Бил Гејтс библиотеката доби и софтвер во вредност од 42.000 УСД. Со проектот беше планирано да се обучат 60 невработени лица, но поради големиот интерес со проектот се обучија 82 лица, од кои 61 жена и 21 маж. Од нив 39 (47,56%) од 82 учесници во обуката најдоа постојано или привремено вработување.